1.
Minung
hin harsatnak a tawng lo kan um lo ding. Kan ton dan lawng te a bangaw ciau
kher lo ding ih, cumi caanah dungtunawk san men lo ih pakhat leh pakhat thazang
pe aw ton leh ngaisakawknak langter hi a tha in kan tul mi thil khal a si.
2.
Ziangti
zawng khal in thil tha kan tuah caanah midang ih lom leh fak kherkher kan beisei
(asilole) lom leh fak hlawh loh ruangih kan thil tha tuah mi sunzawm/tuah bet
thei nawn lo kan si pang ahcun mi pitling leh rinsan tlak kan si thei dah lo
ding.
3.
Minung
leitlun ih kan nun/damsung tawi zia hi thaten ruat ciang theuh sehla cun tuih kan
umdan/nundan vek men hi cun kan um ngam leh kan um sian a zum um lo.(Ruat thar
sal uhsi)
4.
Pathian
thu lawng hi kan nitin nun cawmtha theitu leh in ti lungawi theitu umsun a si
ti thei cing hin, kan mai khuaruahnak men hmang hin kan ti cau aw leh theu fawn.
A thu lawng hi kan hrang lungawi theinak umsun cu a si.
5.
Zumtu
kan mai nun dik lo leh that lo ruangih thildang/thudang dang simaw puhmawh ding
kan hawl ciamco theu mi hin that lam pan thei lo dingih in dawnkhamtu an rak si
ringring theu.
6.
Zumtu
kan nunih thleng mi ziangkim hi kan duh simaw duhlo simaw, kan baisei dan vek a
si kher lo hmanah kan parih a thlen hnuhnu cun "Bawipa'i remruat a si
hi" tiih kan pawm hahdam thiam hi a pawimawh, cucu kan hrang thatnakbik
ding khal a si.
7.
Tuisun
ni tiang cennak, beunak ding runinn in pek bakah kan tulsam mi ziangkim thawn, zingzan
rawl puar te ih ei ding/in ding in pe ih in cawm tu Bawipa lawng hi sunlawih
phu hliahhliah cu a si.Thangthat sin uhsi!
By, Sunthang
Fala
No comments:
Post a Comment