Caan (Time)

   Caan hi a man bikhiah thei lo dingih sunglawi hi a lakin kan dawng men. A neitu kan silo cing in duhtawkih hman sensak kan si.Veikhat kan hlohter pangah cun kan hloter lan ta thung. Khawl theih a si loih hmanral lawng lo cu ti thei dang kan nei lo.Hi lei ah hin, caan hmang ral thei loih caklo zianghman a um lo ih, caan neh thei dingih ck zianghman a um lo thung.
   Khawsik..Fur le Thal pawl hi caan tel lo in a um thei lo.Hnam le sakhua thleidan awknak., Milian, Farah le Pathian tiih saal aw. Leitlun neitu ih ruataw thei tiangih a umtu pawl khal leivut ih khuh ziamral tertu cu caan hi a si.Caan hi a upa thei loih a hmangtu nunnak sawn hi a upa theu. Leilung hi siat thehin nunnak le a um thawk hmaisa pawl hloral thluh khal sehla,caan cu a ral cuang lo ding.Caan cu a sersiamtu dam tiang a dam ding.Caan tluk ih nunrawng a um cuang lo..Leilung hi milai si lo hmansehla.milai do cu leilung do vek a siih, caan hi Pathian a si loih,Pathian sunlawizia phuangtu a si.Nazi hi a man a awl vivo ih. a lal sinsin.Nazi tuahtu pawl hi an tuah mi nazi thu hnuaiah an um thluh.Milai hin lei parih kan neihsun cu tui caan hi a si.
    Curuangah,nikhat ih minute tin hi siar in manhlap hlah la.nikhat ih na nun minute tin hi midang pawl ih siar tlak ah caanter tum sawn aw.Lehhnu ih na thih ding ruangah tuisun ah cun vuiliam aw duh hrih lo awla.Tuikum 2016 kum ah hin Khampat Chin Pawlpi FB Group ah na nun.na neih mi ,na rel le na tuah thawk ve ta e..Lungawinak, duhsaknak le rinumnak ti thu pawlin kum tluan in na hringnun cei mawi sehla.uluk zet in nsngin ngan awla midang in siar nuam rak ti hai seh...

by, Salai Van Lal Hrin