BAWIPA LAWNG LALNAK PEK A TLAK

Hi khawvel duhkimlonak ram, mangbang buainak, lungngai thlaphannak ramah hin kan biak Pathian in Zumtupawl nitin kan nunah a mai thu lawng hi thupi bik (No.1) ih kan ret ding hi a duhbik mi a si ih cucu kan hrang khal ih hahdamnakbik khal a si.

Tahtthimnak: (Fala le Tlangvalpawl hin uar mi, ngainat bik, duhmi kan nei theu. Cupawl cu kan ngai in kan thinlung luahtu tla an si theu. Asinan cui kan uar le ngai mi, duhmipawl cun in biak that lo leh in ngaihsak lo caanah simaw, kanmah ai i midang an biakthat le ngaihsak mi an neih sawn caan tivek ah hin kan thin a naa emem in kan buai theu)

    

Hi khawvel camkhatte Duhdawtawknak hmanah cutlukin kan thik aw in kan thin a naa emem theu sikhawh! Duhdawtnak hman ih Duhdawtnak tawpkhawk ih in Duhdawttu a fapa neihsun thisen thianghlim thawn in lei zo mi kan si hnuah hin amah Pathian ai i thildang duhsawn mi, ngaihsak sawn mi, kan thinlung luahkhattu dang kan neih ahcun ziangtluk in saw a thin kan ti nat ti teh hi kan ruat kir sal sawn lo ding mawsi?
Pathian thinnat ter tu men kan si cun a pawi ding. Anih cu sual sal sung ihsi in runsuaktu a si si, Amah lawng hi cawimawi tlak umsun a si.

By, Sunthang Fala