A sullam : The Islamic State of Iraq and Syria (ISIS)
Islamic ram hi sum le pai thu ah a hlan ihsi ih rak nei le sumdawnnak lam khal ah rak thangso cia zo tu an si.An hnen ih hnatuan duhtu le nuntu khawsak duhtu tla tam zet an rak um.
An hruaitu : Abu Bakr al-Baghdadi ( Baghdadi). A thuhla tak cu thuhin a um. Hmansehla, 1971 Samarra ram Sunni Iraq ah a suak ti cu theih a theih. Anih hi C lam Doctor buaih ngah zo mi a si ih, Profet Muhammad ih cithlah in ISIS sungkua hohatu, hruaitu ah a runggcang. Thil a sidan vekin a tlansan mi a Nupi in hitin a sim, Anih cu mi zaran a si ihsin phunsang tlawng ah hnatuantu mipakhat a rak si zo a ti. Cui caan ih a hmin cu Hisham Mohammad a si.cun anih hi 2010 in ISIS hruaitu a rawng si thawk ih 2011 in $10million a hlawh.
ISIS cu ziang a si? : Egypt lam thuanthu hmaisa zingzawinak ahcun, ISIS cu Horus ih Nu Osiris ih Nupi leitlun le Van ih siangpahrang Bawinu tinak a si.Jesu cu fala virgin in a rak suak, cuvekin Horus kha fala vergin ihsin ra suak mi a si ve ti asi. “S” netabik cu Arabic tongfang in a ra ih, “Al-Sham” tinak a si.ISIS pawl hi mi harhvang zet le tihreh nei lo an thitha khal a tha, cui hleiah annih hi leilung tlun ih sakhuanak(religious) ramuknak ( Political) le Muslims pawl tlun tiang khal ih thuneihnak nasa zet neitu mi hrat khawkheng an si.
Khawi ihsin an ra?1999 ihsi khan Abu Musab al-Zarqawi ti hmin pu in Jordanian ah ahmaisa group an rak finkhawm-aw.cutin Leitlun pumpi rawn luahkhat theh dingin an hruaitu hohanak hnuai in an ding hnget vivo.
Ziang si an duh?Leitlun kiang le kap ihsin hnaihnawk rurinak pawl ihsin zalen zetih um kha an duh. Cu lawng si loin “Allah” tongfang hi leitlun pumhuap ih theih ding le a net tiang tundin an duh ih an tumtah mi bik cu Islam sunlawinak ding lawng kha a si. cucu hi leitlun ih an nunsan le an damsan cu a si.
Tu tiang ah ziang an tuah zo? A tirte ihsin an daan leng ih miphun hmuahhmuah cu an that. Malte vawn kir ta duak sehla, an hruaitu lubik a tuan tirah Hotel hmun pakhat ah khatawk ih um mi 60 cu bom hmangin a that cimit cih. Umzia cu ISIS pawl ih tumtah mi cu mi sakhua thiatbal, Nupi nu sex hmanpit, rukru, upa nauhak tilo ih thah,le Khristian pawl hmuahhmuh thah cimit thluh kha an hnatuan cu a si. Kan theih rero zo bangin ISIS pawl hin mi tampi an kut sungah an nunnak an can zo a si. kha pawl kha an sual tuk ruangah a si lo, ISIS pawl cun zumtu pawl ih kan Pathian lawng sunglawi she tiih kan ti bangin, Anmah Islam pathian “Allah” sunlawinak ding lawng kha an hmuitin mi a si fawn si.
Kan Bible ah a thlam hmuh ding kan nei maw?
2Tim.3:1” Ni neta ah cun can tihnungza a ra thleng ding”. ISIS pawl hi an si mei lo ke maw..!
ISIS in Israel a khing ding, Ezk.38 ah.
Thuphuan 13 sung ah AntiChrist a lang. uktu thuneitu sinak dinhmun in.
ISIS pawl hi minunrawng zet an si ih, an kut sungah zumtu, zumlotu pawl cu an nun a liam in thenkhat cu harsatnak tla an tuar rero. nang le kei cu Pathian ih zangfahnak zarah kan tuar ve hrih lo, Curuangah daiten um men loin a tuar tu pawl hrangah hin kan umnak hmun cio ah thlacam sak uhsi.
By, Elihu Hrinte
No comments:
Post a Comment