(AD 2016 A Voi (1)NAK KRBYM Hlaphuah Zuamawknakih Pakhatnak Lawmman Ngahtu Salai Vanram Hngak @H Boih Tonsuhnak)
1) Vehvaitu – A hmaisabikah na suah kum, ni le thla theih kan duh?
H Boih - Kum 1997, April ni 6 ah ka suak.
2) Vehvaitu – 2016 Dec. KRBYM C2 ah khan a pakhatnak na ngah sikhawh, ziangti vekin ha winner si thei dingin timlamnak na rak neih?
H Boih -Mino hruaitupawlih an rak rel mi hlaphuah zuamawknak neih ding thu ka theih veten, tuihlan ihsin hla phuah hi ka rak duh, ka rak tum ve theu na'n ka rak pitlin dahlo, cumi an rel ihsin tlawngkainak ah phuah ngah dingin ka rak zuam amah Pathian dil phahin le hlannak thawn.
3)Vehvaitu – Zuamawknak ah khan pakhatnak ka ngah ding tiin nangmahlenangmah ah zumawknak na neiaw maw?
H Boih – Ka rak timlam dan ihsin lawmman ngah cu ka rak beisei ve ko na'n pa (1) cu ngah thei dingah ka zum aw lo.
4) Vehvaitu – A pakhatnak lawmman na ngah mi sumpai kha ziangti vekin na hmang?
H Boih – Aww hminsin tlak thil pakhat leinak ah ka hmang lo na'n ka tlawngkainak hrangih ka tulmi leinak ah ka hmang.
5) Vehvaitu – Hla hi fing ziat hrawng na phuah zo? Phuah bet vivo teh na tum ko maw?
H Boih – Ka voi 1 phuah nak a si. Phuah bet vivo cu ka duhthusam si, tuitum ihsin thazang tamzet ka ngah Pathian hla a sinak ah ka diriam hlei ce ka hla phuah hmaisabik ah.
6) Vehvaitu – Kan Laimi hlaphuah thiam tampi lakah zo na uarbik?
H Boih – Hee cumi ahcun uar bik ka nei hranpa lo aa..
7) Vehvaitu – Zumtu pakhat hrangah Love Song hi ziangti vekin na hmu? (Nangmah ah teh sual na ti maw?)
H Boih – Pathian hla kan phuah/ kan sak hnu ahcun love song cu a cang thei tawkin dungtun thei sehla.. A sual in ka hmu a si, kan biakmi Pathian khal in a duh lo ding tiah ka ruat.
8)Vehvaitu – Na hla duhbik mi pakhat in sim thei pei maw?
H Boih – Mai Mante ih sakmi “ Zumtu hmaisa pawlih nunnak” timi kha si ko.
9) Vehvaitu – Tlawng na kai rero lai ti kan theiih Zirnak lam ih na dinhmun/ tui' na thlen cin in sim thei pei maw?
H Boih – Geography (Major) in Second year ka kai lai. Tuisun ni tiang ka Pathian in ka nunlam in hruaiih, ka zirnak khalah harsat um loin le damnak hriselnak in pekih tui kum cu a hleicein mi hrisel lo zet ka si na'n nat besia um lo ten tuini tiang lam in hruai ih a parah ka lungawi hlei ce.
10) Vehvaitu – Nupi hi kum ziangzat hrawngah nei sehla tiin kum lam zawngih duhthusam na nei maw?
H Boih – Ka nei hran lo, Pathian in rem a ti tikcu ah ka thum aw.
11) Vehvaitu – Hmailam hrangih na sunmang(tumtah mi) in sim siang maw?
H Boih – Pathian in damnak in pek asile ka ti thei tawkih a rawlbawl hi ka tum mi a si.
12) Vehvaitu – KRBYM ih thlatin a suah theu mi kawhhran inntin VEHVAITU hi ziangti vekin na hmu? (Tha na ti ko maw)
H Boih – Aww tha ka ti nasa, hmailam khal ah bansan loih ka zuam vivo dingah ka duh nasa.
13) Vehvaitu – Online sung ihsi kan thusuh mi felfai zetih in sansaknak parah kan lungawi.
H Boih – Keitla ka lungawi ee!
No comments:
Post a Comment