*Kan hril le kan duh simiah silo Adam cithlah sinak sual ruangih kumkhaw hremhmun sung ihta in runsuak tu Jesu kan nei hi a ''sunglawi'' ka ti.*Kan phu ruangah si loin nitin ei ding ti le rawl in pe hi a ''sunglawi'' ka ti.*A hrang ih zianghman tuah theilo minung hrangah amah lo ih zianghman tuah theilo minung men in duhdawt thotho hi a ''sunglawi" ka ti.*Hmai hngal ding tlak kan silo lai khal ih hmai hngal pi ding tlak Pathian kan nei hi a 'sunglawi' ka ti.*Sim ding le rel ding kan neihlo lai khalah misual duhdawttu a sinak sim ding kan nei tla hi a 'sunglawi' ka ti.*Leitlun ih minung lakah kan nih vek men ih Pathian kan rak thangthat ngah ve tla hi a 'sunglawi' ka ti.*Malsawm kan dawn mi ciar ah lungawi thiam dingih in zirh tla hi a 'sunglawi' ka ti.*In duhdawt zia langter dingah hmun nuam le hmun tha cu hrillo in a niam bikmi ran rawl peknak kuang sung ah a sunlawinak hlipthla ih a rung piang tla hi a 'sunglawi' ka ti.*Ningzah mualpho, vuak leh velh tuarlo in in rundam thei na cingin in duhdawt tuk ruangih a tuarnak thing cross par tiang ih thihnak in tuarsak tla hi a 'sunglawi' ka ti.
" Samm 34:8, Bawipa ih that zia hi nangmah ten rak tep ve aw''.
No comments:
Post a Comment