SABBATH THU

By, Rev.Than Fai

1.Sem. 2:2-3 – Pathian cu niruk sungah a hnatuan cu a thehih, nisarih ni ah a cawl. Pathian in cui ni cu thlawsuah a pekih ni sunglawi ah a can ter.

2. Luk. 3:38 – ah cithlah thu simnak ah Adam cu Pathian fapa tiih kawh a si. Asinan Pathian in a fapa  Adam cu Sabbath ulh ding a fial lo.

3. Sem.3:21 – Adam le Evi cu an tluksiat ningzahnak lawng huptu dingah savun angki a pe nan, Sabbath ulh cu a fial lo.

4. Sem.4:4 – Abel thawinak pek mi parah Pathian a lung a awiih, a cohlan thu kan hmu, asinan Pathian in Sabbath ulh a fialnak kan hmu lo. Heb.11:4 ah a zumnak ruangah ti voithum kan hmu a si.

5.Sem. 6:8-10;7:10 – Noah in Pathian lung a awiternak thu kan hmu ih, Sabbath a ulh thu kan hmu lo.

6. Sem. 5:21-24 – Enok cu Pathian thawn kum 300 an lengtlang nan Pathian in Sabbath serh a fialnak kan hmu lo.

7. Sem.15:6 – Abraham in Pathian a zumih a zumnak cu a felnak ah a pomsak ti kan hmu. Rom.4:13 -16 khalah a zumnak thu a relnak ah Sabbath thu a tel lo.

8. Isak, Jakop le Joseph pawl thu khalah Sabbath ulh, serhnak thu a um lo.

9. Sabbath cu Josep Izip ramih sinak sangtak a neih hnu, a pale a nunaupawl Josep hnenih an va vaih hnu kum zali(400) hnu Mosi in Izip salih a suahpi hnu Sinai tlang an thlen hnu lawngih pek a si.

10. A daan cu hnam dang hnenah a pe lo, Israel mi hnen lawngah a pe a si. (Saam 147:19)

11. Sabbath cu Pathian le Israel mi lakih hminsinnak a si. (Exo.31:16)

12. Serh tannak cu Pathian le Abraham karlak ih tuah mi asiih, an hnam le miphun ih run tuah vivo ding a si. (Seem.17:13)

13. Serhtan lo mipa cu ka thukham a thlun lo ruangah miphun sungih sin hlon a si ding. Seem.17:14 Sabbath ul-tu thawn a bangaw vivo.

14. Sabbath ulh dan ding, Exo.35:3, Sabbath niah meisa nan muah lo ding a ti. Tui ni Sabbath ull tiawpawl cun rawl an suang thotho.

15. Sabbath bawhsetu or a buartu cu lungih den that ding a si. (Num.15:32)

16. Zarh sabbath a ultu cu kum sabbath khal a ulh a tul. Lev.25:20; Exo.23:10 kum (6) sung lo tuah ih kum (7) nak colh pum hlum ding a si.

17. Israel-pawl in an rak ul theilo, curuangah Pathian a thin a hengih an ulh lomi kum zatin Babilon salah a tanter, kum (70) sung sal an tang.

18. Sabbath cu Exo.20:1 ihsin Jesu thihnak  Cross tiangih pek a si, cuhmanah an ulh thei lo ahcun an aiah tuu fanoih raithawi a tul thotho, culawngin sual ngaidamnak an co.

19. Heb.11:1-40 – sungih zumtu hmaisapawl ih Pathian lung an tonnak thuah Sabbath ulhnak  thu a um lo. Heb.11:6 zumnak  lo cun Pathian lungawiter  a theih lo.

20. Jesu sanah Matt.12:1 Sabbath niah Jesu dungthluntupawl in sangvut an zutih an ei. Farasi-pawl in an soisel ih Jesu in a dungthlunpawl a tan hai sawn. Matt.12:8 ah  Sabbath lal ka si a ti.

21. Sabbath ni ah Jesu in mina a damter. (John 5:3)

22. Sabbath cu thukam(10) sungih tel mi a si.

23. Rom 10:4 – sungah Jesu cu a zumtu hrangah dan ti bangtu a si. John 19:30 ka theh zo a ti.

24. Daan thlunnak or Sabbath ulh ruangih rundam asiahcun Jesu cu a lakin a thi a si ding. (Gal.2:21)

25. Kol. 2:16 – Ni thiang le thlathar thuah zohman in lo tibuai hlah hai seh, a taktak cu Jesu Khrih a si.

26.Heb.4:1-10 ah Sabbath lo colhnak dang a um lai a ti, cucu Jesu ih colh a si.

27. Rom.14:5 – Mi pakhat hrangah ni khat hi a thianghlim, mi pakhat hrangah ni hmuahhmuah hi a thianghlim theh a si.

28. Dung.2:47 – Dungthluntupawl cu nitin te Temple sungah an khawm aw ringring, an hrangah ni hmuahhmuah hi a thianghlim theh a si.

29. Dung.2:27 – Dungthlunpawl cu Sabbath ah khawmaw loin, Jesu thawhsal ni ahan khawmaw sawn a si.

30. Gal.3:10 – Daan thlunnak a rinsantu cu Pathian camsiatnak hnuaiah an um a ti, a si.

31. Thukam tharah Sabbath ulh fialnak le daan thlun fialnak thu a um lo.

32. Kol.3:11 – Jesu Khrih cu kan ziangkim a si. ICor.1:30 Jesu cu kan famkimnak a si.