KHRISTIAN MIROPIPAWL AN THIH ZIKZAWNGIH AUAW
By; CerboihPa
@Martin Luther : Ka Pathian cu pathianpawl ih Pathian asiih, amah ah cun himi thihnak hi ka relhhlo san ding a si.@John Knox : Ka nunnak, Khrih ih ka nunnak cu himi thihnak tihnung zet khalin a ngam lo ruangah tih mi hrimhrim ka nei lo.
@ John Calvin : Bawipa, thihnakin in cimbuai hmanseh, na kutih ka um ni ihsikhan ka lungawinak a kim zo.
@ Richard Baxer : Natnak cu ka nei ko e, sihmansehla ka nun a tibuai lo. Hnangamnak, hnangamnak cu a kim zo.
@ Charles Wesley : Bawipa, Nangmah bangnak famkim neiih ka mit ka men ve thlang ding ruangahhin ka lung a awi tuk. Lungawinak, lungawinak cu a kim thlang.
@ Dr. Preston : Ka thi zik asilo, Pathian in ka umnak hmun a thleng zik men mi a si sawn. Cui hmun lam cu pan in Pathian thawn kan feh dingih a hnenah hahdam ten ka cawl lanta ding.
@ Samuel Rutherford : Ka thinlung hi hlimnak in a luangliam, van manna ih cawm mi ka si ruangah. Ka kut hi amah pom dingin ka pharih, anih in i rak lawm ding.
@ Mrs. Heman : Jesu Khrih kiangah Mary cu to in, a thu a ngai bang khan, tu ahhin in rundamtui kiangah ka umih, a mi thlangamnak aw ngai nuam tak in theih ter rero lai a si.
@ D.L Moody : Ka hmaika te ahhin pialral a umih, cui hmun mawi ah cun ka lut rero lai a si, in thangharh nawn hlah uh maw.
No comments:
Post a Comment