Semtirnak 6:6 “Pathian A Siraw” Timi Hi Ziangtinak Si?

                                                                       
Semtirnak 6:6 ih “Pathian a siraw” timi hi ziangtinaksi?Pathian hi a thlengaw dualdo tinak maw si?
Malakhi 3:6 ah, “Bawipa in, “Keimah hi Bawipa cu ka siih a thleng-aw dahlomi ka si” a ti fawn.

Hitawkih Pathian a siraw timi hi mirang khalah “Repented” tin a um nan tawng hram ahcun “Naachem” tin a um. Nachem timi cu sir-aw silo in riahsia (to sigh, breathe heavily, be sorry) ti sawn a si. A umzia cu tawnghram vekin a silen a tuahmi minungpawl ruangah kan Pathian a siraw siloin a riahsia tinak a si sawn. Mirang Bible lettupawl le kan Bible lettu pawlin “repented the LORD”/ SIR-Aw timi tawngfang an hmang ko nan a sim duhmi cu riahsia tilam sawn a khihhmuh.

Tawnghram kan zoh asile Sem.6:6 ih a hman mi tawngfang “Nacham” timi hi( Suah.32:14, Thut.2:18, 1 Sam.15:35, 2 sam.24:16; Sam 106:45)pawlah a hmang ve thotho.
Curuangah a tuahmi thilpawl ah kan Pathian cu a sir-aw cingcing siloin a duhdan vekih an um lo theu tikah Pathian cu a riah a sia theu tinak a si. Kan Pathian khal riahsiathei, ninghang ve thei le thiknei Pathian a si.

Malakhi 3:6, “Bawipa in,”Keimah hi Bawipa cu kasiih a thleng-aw dah lomi kasi.”

By; Elihu Hrinte