TIKAWNG HAI IN KRBYM SUMHLAWH

May, 17, 2018 (thur) zing cu Pathian ram hrangah tiin KRBYM hmin in 7:00am hrawng ihsin 11:00 tiang hrawng, lo tikawng samfai le hai in sumhlawhnak neih a si.

#zuk: Lakphak sen in ih cawlh lai

"Tuilai hnatlang/sumhlawh kan nei tam hnuaihni ih mai innlam hna tuan tul le man lo zetzet cing khal in A pakhatnak sawnah Pathian kan ret ruangah Kawhhran hna hi kan ngai poimawh cio in a langih a lungawi um nasa.
 Tui țum khal minung (11) hrawng kan poksuak thei salih, Bawipai hrangah thlanhri suakin hna kan tuan ngah hi a direm thlak zet." Tiin a tuantu lakih pakhat cun Vehvaitu a si.

KRBYM FUND HAWL IN HNATLANG SAL

Tui ni May, 14,2018 (mon) ah KRBYM cun fund hawlnak ah Thing(ေရာင္လံုး) țin in hnatlang neih sal a si.

"Tuisun kan hnatlang cu members (18), Salai (15) le Mai (3) kan pok suak thei, kan țhahnem zetih a lungawi um nasa. Zingpit ihsin kan poksuakih Tlang sang le thihnak tlak horkuam lakah Mawțaw phur thum rori kan țin ngah thei. 

A fehsuak theilotu lak ihsin Salai David Thang cun hnatuanpawl eiin ding hrangah tiin sumpai ks.5000 a rak sponsor ih Dragon VeVe pakhat ciar kan co ngah ih a manhla zet.

Bawipai' duhdawtnak vun ruah cun a hrangih hnatuan hi bangthlak zet khal sehla a manhla in di a riam thei zet. Vancungih kan laksawng ti tamtu ding a si ruang khalah, kan hlim in kan nuamaw nasa." Tiah KRBYM Hruaitu pakhat cun Vehvaitu hmang in a rel.

KRBYM MUSIC ALBUM HRANG HLA LE HLASAKTU DING HRILNAK NEI

KRBYM MUSIC ALBUM HRANG HLA LE HLASAKTU DING HRILNAK NEI

KRBYM in 2018 sungih a tumtah mi Music Album suah ding timi cu tuisun (May,13.2018-sunday) khawmban hnu ah hla (20) hril cia zo mi sung ihsin hla (14) hril suah sal a si. Cuitlunah hlasaktu(pakzai) ding minung pa (7) hril fel cih a si fawn.

Hla hril suah mi(14) ahhin group ih sak ding mi(hlarem-burzai) Group-song hla (3), Thumzai (Trio) hla (1), male voice(mipa 4 sak) hla (1) le pakzai hla (9) pawl tla an si.

Hril suah mi hla, a phuahtu le saktu dingpawl cu a hnuai lam vek in an si..

1. Caan A Nai
Phuahtu: Salai David Suisan Thawn
Saktu ding: Salai Cuangbik

2. Ka Theifiang Zo
Phuah&Sak: Salai Bawisiamthar Sunthang

3. IN CAWM LEH AW
Phuahtu: Salai Catuan Remlal
Saktu ding: Salai Laltin Uk

4. RINSAN TLAK PATHIAN
Phuah&Sak: Salai Vanram Hngak

5. NUNLAM HRUAITU
Phuahtu: Salai Vanram Hngak
Saktu ding: Mai Vannei Thiam

6. KA TI THEI TAWKIN
Phuahtu: Salai Marvin Thawng
Saktu ding: Mai Lallawm Par (Nunu)

7. JESU A RA CING DING
Phuah&sak: Salai Bawisiamthar Sunthang

8. TULAI KHRISTIAN
Phuahtu: Salai Catuan Remlal
Saktu ding: KRBYM Group

9. PATHIAN SUNLAWIHTU MINO
Phuahtu: Salai Bawisiamthar Sunthang
Saktu ding: Male Voice

10. HRINGTU KA NU
Phuahtu: Salai Catuan Remlal
Saktu ding: Mai Vannei Thiam

11. MAW MINO
Phuahtu: Salai Catuan Remlal
Saktu ding: KRBYM Group

12. THANGTHAT UH
Phuah&Sak: Mai Vanro Sung

13. KAN LO THANGTHAT
Phuahtu: Salai Bawisiamthar Sunthang
Saktu ding: Thumzai (Trio)

14. DAMTEN MANGTHA
Phuahtu: Salai Bawisiamthar Sunthang
Saktu ding: KRBYM Group

KRBC NAUHAK CRUSADE TLUANGTEN ȚHEH SUAK

AD.2018 Khampat Revival Baptist Church, kum thok General Meeting thu relcat mi Nauhak Crusade nei ding timi cu Sayama Vante le Sayama Suite hmangin Date.May.8.2018(tue) ihsin thawh asiih, May,11.2018 (fri) ni ah tluangten țheh suak a si.

"Tui' țumah kan beisei mi zirhtu Sayama pahnih khal in an umnak hmunhla zet(laitlang lam) ihsin kan sawmnak ngai poimawh in kan beisei ni ah tluangten an rak thleng thei hi kan lung a awi zet. Nauhak khal duhsak zetin zing, sun le zan rori'n Pathian thu an zirh ngah hi kan di a riam zetih Kawhhran hmin in lungawi thu kan sim a si. Cun, nauhak hrang suncaw (sanpiauh) nitin ih suansaktu KRBW nuho(nubu)-pawl par khalah kan lungawi, an pumpeknak le teimaknak parah fak an um nasa.." tiin 2018 KRBC Chairman Pu Biak Lawm Zual in zan netabik (tui zan) khawmnak ah a sim.

KRBYM GOSPEL TEAM TLUANGTEN THEH

Pathian thu le hla thawn date. May5 2018, ih a pok suaktu KRBYM member minung 16 cu Letpanchaung le Minhla khua ih RBC biakinn ah tikcu caan hman asihnuah date. May,7.2018 zingah tluangten khampat mai' umnak inn cioah an thlengsal.

#Fehlam Yazachu

Khampat ihsin 5.5.2018(sat) sun 1:20pm in kan pokih zanlam 3:20pm ah tluangtakin Letpanchaung khua kan thleng fel. Cutin zan khawmnak neih a si hnuah, kan thleninn ah minopawl in in leng hai, social-nak kan nei theiih kan nuamaw tlang zet. A thaizing thawhhlam thawzet in do mi kan ei theh veten, LetpanRBYM Chairman in thlacamnak thawn in thlah liam.

    #Letpanchaung kan thleninn 

Cutin Minhla khua lam kan pan salih, kan ca thlenih tawk fangin rawl kan ei cih mei. Sunkhawm kan ban hnu cun thunuam reltlang le hrekkhat rak itthat na tiin sunvu tikcu caan kan hmang liam, zan khawmnak kan nei salih khawmban ah hnihsuak thu mallai thawn nomawknak kan nei sal. Cutin a thaizing thawhhlam thaw tak in do hnu in khua lam pan in kan pok.

#Minhla RBC Biakinn hmaiah

 A hmin ih vaksuaktu KRBYM lam in hruai ih himdam ten khua in thleng tir saltu Kan Pathian hmin thang sinsin seh! Amen.

#Tlunlam, Yazachu

KRBYM FUND HAWL IN HNATLANG

Pathian hrangah, KRBYM in fund hawlnak ah thinghnuk in (May,1,2018 niah) hnatlang neih a si. Sim thanawk cia um man loin tuan ding a um veten a mizan lamah sawmaw khawm in a thaizingah Motor thawn, minung (12) pawh suak a si.

Tlang lamzin a rak nal deuh ruangah feh lam cu hmunso deuh a um cun Minung tha hmang in Motor cu dirh so a tul deuh vivo.. zinglam 7:00am hrawngih kan pok suah mi kha 11:00am lam ah khin thing umnak cu kan thleng thei. Cutin Kan Vice-President in rawlsuan a timtuah ih, thing țin theh veten rawl kan ei. Cuihnu ah thing mallai țin bet asiih, inn zin lam kan pan. Kan fehnak lam ihsin tlun a remcan non lo ruangah caan tawk fang cu a rak ihthat na, vate rak pel tawk tiin kan si culci ko. Cuihnu ah Tipi umnak kan thlen cun kan dirver-pa ih hohanakin ti ah kan ceng ciamco ih nuam ve reuh nasa, picnic tla kan bang lehlam. (video tla kan zaih aw ciamco)

 Palik le Driver phone-call aw phah rero in Thlangkawl khaw taw lam ah Tivapi ihsin zan:7:30pm hrawngah khua kan hung pem suak ta riai. Mei eng țhițha um lemlo in thing cu thlak asiih, siatsuah aw lo ten kan theh fel thei hi Pathian kilvennak thotho a si. Pathian hrangih Hna rumro vun tuan taktak cun taksa a bang in a cau ih a har zet theu ko nan Bawipa ah kan lungawinak ti tamtu a rak si sawn. Tiin KRBYM President in a sim.

Rom.8:18
A tuih caan ih harsatnak kan tuarmi hi kan hnenih a lang lai dingmi sunlawinak thawn cun tahțhim tlak ah ka ruat hrimhrim lo.